Este volume recolle as reflexións que xurdiron nun encontro que tivo lugar no outono de 2012 na illa de San Simón e supuxo un paso máis no estudo das conexións entre Galicia e As Azores. As reflexións céntranse preferentemente nos procesos de integración nas sociedades de acollida, nas relacións co mundo do exilio, no impulso aos novos medios de comunicación xurdidos na diáspora e no papel que desenvolveron as comunidades emigrantes na diplomacia cultural dos seus países de orixe.
