SIMPOSIO INTERNACIONAL IN MEMORIAM XOSÉ FILGUEIRA VALVERDE
Galicia foi e é un país cun importantísimo potencial humano e económico adicado ás actividades relacionadas co mundo do mar. Ocupa o primeiro lugar, en canto o total de tonelaxe das embarcacións, de entre todos os estados que conforman a U.E. Pero, por coñecidas razóns, os investigadores, tanto historiadores como antropólogos, case sempre se mantiveron de costas a esta importantísima faceta de realidade galega. Isto foi o que motivou á Ponencia de Antropoloxía Cultural do Consello da Cultura Galega a organizar un simposio que servira de revulsivo á comunidade científica galega. Esta publicación recolle as actas do Simposio Internacional in memoriam Xosé Filgueira Valverde, celebrado en Pontevedra en xullo de 1997.
